ENTROIDO EN COBRES

Durante os días que se celebra o carnaval, de sábado a martes, as "Madamas" e "Galáns" percorren distintos lugares das parroquias de Santa Cristina e Santo Adrián, acompañados por un grupo de gaiteiros, e realizan a popular “Danza dos Cobres”
O máis rechamante deste entroido son os traxes e os sombreiros, adornados con fitas, abelorios, flores … cosidos e pegados artesanalmente, que resultan moi vistosos e que poden chegar a pesar ata sete quilos. Non se utilizan máscaras nin antifaces.

O ENTOIDO EN LAZA

En Laza o Entroido representa o ciclo ritual máis longo dos que se coñecen. Comeza o primeiro día do ano a partir das doce da noite.Este ritual e unha preparación física para a xente de Laza.
Antes dos días propios do Entroido en Laza e coincidindo en Venres, teñen lugar os folións: procesións nocturnas de xentes con fachóns de palla e emitindo todo tipo de ruídos, coma se dun acto de desembruxo se tratase . O peliqueiro é a figura principal deste Entroido. Non é un disfrace, senón unha máscara que representa o poder. Ninguén a pode tocar. É o rei indiscutible da festa e á vez, gardián de tódolos demais personaxes do Entroido.

ENTROIDO EN VERÍN

O cigarrón é o personaxe central. Leva un traxe con chocas, unha careta de madeira, coa parte superior de folla de lata engalanada por motivos animais ou vexetais. Leva camisa branca con gravata e chaqueta con galóns. Viste ademais un calzón curto e medias. O complemento é o látego, chamada zamarra, coa que lles zoscan ós que non manteñen a orde.

O ENTROIDO DE XINZO DE LIMIA

Festa declarada de Interese Turístico Nacional. O entroido de Xinzo é o máis longo de España. As Pantallas é o máis característico do carnaval de Xinzo de Limia, é o nome que reciben as peculiares máscaras. Este disfrace está formado por unha camisa e uns calzóns de cor branco. Tamén ten unha capa de cor vermella con cintas de cores e unha faixa arredor da cintura do mesmo ton, un cinto con axóuxeres e unha careta de cartón na que se debuxan distintos motivos animais ou celestes, que é o que lle dá o nome ó disfrazo. As Pantallas son as encargadas de que a xente se disfrace polo que perseguen a tódolos que se atreven a saír á rúa sen disfrazar. Levan na man vexigas de vaca secas e cheas de ar, que baten unhas con outras pra que saibamos que están aí. Cando se atopan a alguén sen disfrazar lévano ó bar máis próximo para obrigalo a pagar unha rolda de viño. As pantallas convértense eses días nas raíñas da festa e das rúas.

ORIXE DO ENTROIDO EN GALICIA

O Entroido é celebrado en toda Europa dende épocas descoñecidas. Non se sabe con certeza a súa orixe, algúns pensan que vén da tradición celta, outros afirman que os comezos desta festa se poden atopar na adoración a Baco ou Dionisos.

As orixes das palabras que denominan a esta festa son: o termo "Carne Vale" (é dicir "adeus á carne"), do que despois derivou a palabra "Carnaval"; o termo "Introitum" (que significa "entrada á Coresma”) do que vén a palabra "Entroido" ou "Antroido".

En Galicia o Entroido celébrase dende sempre. Existen manifestacións dunha moi fonda tradición e que aínda perduran hoxe, especialmente na provincia de Ourense, e nalgunhas partes de Lugo, mesturando esas tradicións ancestrais con outros elementos máis novos.

ESTO ES VALLE DEL JERTE(EXTREMADURA)

ESTO ES EL VALLE DEL JERTE.

ESTO ES EL MONASTERIO DE YUSTE(EXTREMADURA)

ESTO ES LA SAGRADA FAMILIA(CATALUÑA)

CIUDAD ENCANTADA DE CUENCA

ESTE ES EL MONASTERIO DE YUSTE

Esto esta en la isla DE LA CABRERA ((BALEARES))

ESTO ES EL PUERTO DE SAGUNTO(VALENCIA)

Esto es el MUSEO DE DALÍ ((GIRONA))

Esto es el PARQUE GÜELL (CATALUÑA)

ESTO ES ZARAGOZA.